Bophela
Ngidi
Hlomuka
Nguni
Khuzwayo
Madlolo wendlovu
Ndlovu yenxelekazi
Phelemba lomfazi
Wena welala
Elala nomunwe
Lavuka lancinda
Lawukhomba elangeni
Isibongo sakwa Bophela kuthiwa siphuma kaNgidi.
…Kuthiwa uNgidi wahletshelwa ngabantu ukuthi uzobulawa ngoba esize imbangi yenkosi. Kuthiwa lowomuntu wathi, ‘Bophela mfo kaNgidi, bayeza bazokusoconga ebusuku’. Kuthiwa ilapho-ke kwavela khona isibongo sakwaBophela. Endaweni yaseMakhabeleni eKranskop kuthiwa kade sikhona lesi sibongo sisetshenziswa kakhulu amadodakazi akwaNgidi. Bathi uBophela wasetshenziselwa ukudukisa umkhondo ngoba bawela uThukela bebalekela izimpi ezazibheduke eNkandla. Kanti eGingindlovu bathi uBophela isithakazelo esavela ngesikhathi ukhokho wabo uNovela ebophele izinkomo zabantu wahamba wayolima ngazo engazicelanga.
