Ukuphupha inyoka noma izinyoka akusiyo neze into ethokozisayo. Kuchaza ukuthi kusuke kukhona isitha esikulandelayo. Futhi kuya ngokuthi iyiphi inyoka oyiphuphile. Isibonelo nje uma uphupha inhlwathi – lelophupho lisuke liqondene nabantu abadala, amathongo noma phecelezi amadlozi. Ukuphupha imfezi khona kusho ukuthi kukhona umuntu ozenza umngani kuwe ebe ekuxokozela, okusho ukuthi kunomuntu oseduze kwakho oyinyoka.
Uma uphupha inyoka noma izinyoka bese kuvela nomuntu kulelophupho, kusho ukuthi naye lowomuntu uyathinteka kulezozitha obhekene nazo.
Ukuphupha inyoka yabathakathi, okuyinyoka emnyama enomgogodla omhlophe, lokho kona kusho ukuthi kukhona umuntu okhunkula ikwenu noma ikini ngenyoka, lowomuntu usebenza ngokuthumela yona leyonyoka oyiphuphile ukuthi izothakatha.
Kanti ke okunye uma uphupha ubona izinyoka nje kukhomba ishwa ekusaseni lakho, lokho kufakazelwa wuhlobo oluthile lwenyoka eqondene nabadala esuke isho ukuthi amadlozi akuthukuthelele futhi othile uzokukhaphela ikakhulukazi uma inyoka ikhuluma.
Omunye angathi: “Ngiphuphe ngibona inyoka ensundu ihamba iya ngapha nangapha, kuthe kusenjalo kwaqhamuka emnyama yona izihambela kahle” – Leliphupho lisho ukuthi kukhona isitha esikugadlayo kodwa ke ithongo lakho liyakuvikela.
Ngokujwayelekile amaphupho ngenyoka axwayisa ngesitha kepha akuhlale kunjalo ngaso sonke isikhathi. Izinyoka ezifana nomdlume, ibululu, umzondo kanye nempumputhe azikhombi isitha. Lezi yizinyoka ezingenabo ubungozi obungafaniswa nobesitha, zona zikhomba inhlanhla engase ikwehlele esikhathini esifushane esizayo. Imvamisa leyonhlanhla isuke izovela ngomuntu ongesiye owasekhaya.
Cela ukubuza kusho ukuthini ukuphupha inyoka yabafazi enkulu izihlalele nje ngaphandle mina ngase ngiybulala
Ngicela Nandi I caseload ngiphuphe umyeni wami kungathi sibona inyoka encane kungathi eyanantu abadala angikwazi ukuyihlukanisa ibisahincane kungathi siyayibulala Uma ikhala wathi kuzoqhamuka unina ngengathi eyikhalisa unina well esihlahleni kodwa ibimnyama wazama ukuyishaya…kodwa ngengathi izangakimi ngiyibalekela ibimhlophe kungathi ifuna mina nqo ngagibela ngathi ngiyayishaya yangashayeka ngaphaphama kusho ukuthi siyadiborcer nomyen
Bengicela ukubuza kusho kuthini kubona inyoka elihlaza kany lamabala amnyama
Uma uphuphe inhlwathi igingile kodwa ingafuni ukuhamba ekhaya kodwa Ulaka ingenalo.kuchazani? . Ngiyazi kuphathelen bedlozi kodwa kanjan kumel ngenzen?
Ngicela ukubuza ukuth kuchazani ukuphupha inyoka emhlophe enkulu?